Россиядан Евроосиё иқтисодий иттифоқи (Беларус, Қозоғистон, Арманистон ва Қирғизистон) мамлакатлари, шунингдек, Озарбайжон, Тожикистон ва Ўзбекистонга 1 млн рублдан ортиқ миқдордаги нақд пулни олиб чиқишни тақиқлади. Бу бўйича Владимир Путиннинг тегишли фармони қабул қилинди.
Юридик шахслар ва якка тартибдаги тадбиркорларга эса миқдоридан қатъи назар юқорида номи келтирилган мамлакатларга нақд пул олиб чиқа олмайди. Тақиқ ҳам Россия рублига ҳам белгиланган миқдордан ортиқ эквивалентдаги бошқа хорижий валюталарга татбиқ этилади.
Экспертларнинг фикрича, ушбу чора Россия ички бозоридан нақд пул маблағларининг назоратсиз чиқиб кетишини камайтириш ва молиявий барқарорликни таъминлаш мақсадида қабул қилинган.
Юқоридаги тартиб Россия орқали рўйхатга киритилган давлатларга борувчи йўловчилар ва меҳнат муҳожирларидан нақд пул олиб юришда янада эътиборли бўлишни талаб этади. Тақиқ бузилган тақдирда, пуллар мусодара қилинади. Юридик шахслар ва якка тартибдаги тадбиркорлардан тўлиқ ҳажмда, жисмоний шахслардан эса рухсат этилган бир миллион рубллик лимитдан ортиқ қисми олиб қўйилади.
Шу билан бирга, фармонда айрим истиснолар ҳам кўзда тутилган. Чекловлар юридик шахсларнинг нақд пулни транзит ташишига ва Россиянинг хориждаги дипломатик ваколатхоналарини таъминлаш учун рубл олиб чиқишига татбиқ этилмайди.
10 йилдан бери қидирувда бўлган ўзбекистонлик ИШИДчи, «Чойхона» раҳбари АҚШга экстрадиция қилинди
Нетаняху нутқи пайтида зални тарк этган давлатлар рўйхати
Раъно Шодиева учун оғир жудолик
