Россияда йўловчи поездининг еттита вагони релсдан чиқиб кетди

Ҳодиса Ульяновск вилояти Бряндино станцияси яқинида юз берган. 302-сонли поезд Челябинск-Москва йўналиши бўйича ҳаракатланаётган эди.

Дастлабки маълумотларга кўра, етти киши жабрланган, деб бу ҳақда давлат агентликлари минтақавий Соғлиқни сақлаш вазирлиги ва Ульяновск тиббий фалокатлар маркази хабар бермоқда.

Челябинск вилояти губернатори Алексей Текслернинг аниқлик киритишича, икки йўловчи оғир тан жароҳати олган, яна 20 киши ҳам енгил жароҳатланган. Унинг сўзларига кўра, поездда 157 киши, жумладан 65 нафар бола бўлган. Губернатор ағдарилиб кетган олтита вагоннинг барчасидан одамлар эвакуация қилинганини ўз баёнотида қўшимча қилиб ўтди.

Россия темир йўллари компанияси бош директори Олег Белозеров бошчилигидаги фавқулодда вазиятлар штаби тузилган.