Россия Федерацияси Адлия вазирлиги ҳузуридаги Давлат диний экспертизаси бўйича эксперт кенгаши раисининг ўринбосари, Бутунжаҳон рус халқи кенгаши Инсон ҳуқуқлари маркази раҳбари Роман Силантиев Тергов қўмитасидан муфтийлар кенгаши фаолиятини тақиқлашни бошлашни сўради.
Қайд этилишича, Силантиев Тергов қўмитаси раиси Александр Бастрикинга мурожаатида Россия Федерацияси Мусулмонлари диний бошқармаси ва Россия Муфтийлар кенгаши «энг жиноий диний ташкилотлар» эканини таъкидлаган.
Силантев шанба куни Россия мусулмонлари диний бошқармаси раислигига қайта сайланган Россия бош муфтийси шайх Равил Ғайнутдинни «ваҳҳобийликни қўллаб-қувватлашда» айблади.
«Ҳозирги вақтда муфтий Ғайнутдинов халқи Доғистонда ўз жамоаларини рўйхатдан ўтказишга фаол ҳаракат қилмоқдалар, бу уларнинг негизида муфтийлик яратиш ва унга Доғистоннинг тарихан мавжуд бўлган муфтиятига қарши бўлган барча рақибларни тўплаш мақсадида», — деди раис ўринбосари.
Силантев, шунингдек, Россия мусулмонлари диний бошқармасини Доғистон муфтиятини танқид қилганликда ва ниқаб кийишни тақиқлашни истамаганликда айблади, деб ёзади «Газета.Ru».
Эслатиб ўтамиз, Доғистон муфтияти июнь ойида ўз издошларига ниқаб кийишни «вақтинчалик» тақиқлаб қўйган ва «янги теологик хулосага» қадар аёлларга «уйда қолиш» ёки «юзини фанат билан ёпиш»ни тавсия қилган эди. Июль ойида бу тақиққа қарши чиққан республика фатво бошқармаси тугатилди.
Криштиану Роналду ва Лионел Месси ўртасидаги 100 метрга югуриш пойгасида ким ғолиб чиқади?
Миллионерлар кўчиб кетаётган 5 та давлат
Эрон Украинанинг Россия билан можарода мағлубиятга учраганини эълон қилди
