Россия президенти Владимир Путин хорижликлар ва фуқаролиги бўлмаган шахсларни сохта миграцион рўйхатга қўйганлик учун жиноий жавобгарлик тўғрисидаги қонунни имзолади.
Мазкур ҳужжат лойиҳаси ўтган йилнинг октябрида давлат думаси томонидан қабул қилинган ва федерация кенгаши томонидан маъқулланганди.
Ҳужжатга кўра, Россияда хорижликлар ва фуқаролиги бўлмаган шахсларни сохта миграцион рўйхатга қўйиш 100 мингдан 500 минг рублгача жарима ёки тегишли лавозимни эгаллаш ёхуд тегишли фаолияти билан шуғулланиш ҳуқуқидан маҳрум қилинган ҳолда уч йилгача озодликдан маҳрум қилиш билан жазоланади.
Шу йилнинг ёзида эса Россиядаги миграцион қонунчиликка янги ўзгартиришлар киритилган, унга кўра, хорижлик фуқароларни иш жойига миграцион рўйхатга қўйиш тақиқланганди.
Илгари мигрантларни хонадонга ҳам, иш жойига ҳам расмийлаштириш мумкин эди. Эндиликда бу ҳақиқатан ҳам иш жойида яшаш ҳолати қайд этилганидагина мумкин бўлади. Қонунга амал қилмаган хорижликлар мамлакатдан чиқариб юборилади.
Manba: kun.uz
Шойгу уруш тугайдиган “аниқ ва шубҳасиз” санани маълум қилди
Зеленский шуни ёдда тутиши керакки, у Ашраф Ғани каби ёки ундан ҳам баттарроқ бўлиши мумкин
Аriston компанияси миллийлаштирилгач, Россия элчиси Италия ТИВга чақиртирилди
