Россияда биринчи марта 21 ёшли қиз поезд ҳайдовчиси бўлди

Россияда биринчи марта қиз бола поезд ҳайдовчиси бўлди.

21 ёшли Софья Дорофеева Москва темир йўл ва шаҳар транспорти коллежини имтиёзли диплом билан тугатди, деб хабар беради "Россия темир йўллари" веб-сайти.

Маълумотларга кўра, назарий ва амалий машғулотларни ўз ичига олган икки йиллик ўқиш давомида Софья темир йўл транспортида техник фойдаланиш қоидалари, меҳнатни муҳофаза қилиш, ҳаракат таркибини ўрнатиш ва махсус тренажёрларда поездларни бошқариш кўникмаларини ривожлантириш қоидаларини ўрганган.

Аввалроқ, Россия темир йўллари бош директорининг ўринбосари Олег Валинский машинист лавозимида ишлаш учун камида уч йил ёрдамчи сифатида ишлаш кераклигини таъкидлаган эди.

Россияда 2021 йилдан бошлаб аёлларга машинист сифатида ишлашга рухсат бериш қонунчилик даражасида режалаштирилган. Шундай қилиб, 1-январдан бошлаб Софья Дорофеева тажриба орттириш учун поезд ҳайдовчиси ёрдамчиси сифатида ишлашни бошлайди.