Украинанинг НАТОга қўшилиши, агар у кейинчалик Қримга бостириб киришга уринса, учинчи жаҳон урушига олиб келиши мумкин, деди Россия Хавфсизлик кенгаши раиси ўринбосари Дмитрий Медведев.
"Қримга бостириб киришга ҳар қандай уриниш мамлакатимизга қарши уруш эълон қилишдир. Ва агар буни НАТОга аъзо бўлган давлат қилса, бу бутун Шимолий Атлантика альянси билан зиддият деганидир. Учинчи жаҳон уруши. Тўлиқ фалокат", — дея таъкидлади у.
"Швеция ва Финляндиянинг НАТОга қўшилиши бизга янги таҳдид ҳисобланмайди. Бу давлатлар авваллари Россия билан жуда ҳурматли ва ўзаро хайрихоҳ дейиш мумкин бўлган муносабатларга эга эди. Ҳудудий низолар ва ҳатто уларга сабаб ҳам йўқ".
"Агар улар Иттифоққа қўшилиш орқали ўзларини яхши ва хотиржам ҳис қилсалар, омад тилаймиз. НАТО Швеция ва Финляндиясиз ҳам бизнинг мамлакатимизга яқин", — дея қўшимча қилди у.
“НАТОдаги Украина бизнинг мамлакатимиз учун анча хавфли”, - деди Медведев. Унинг сўзларига кўра, бунга “ҳудудий низоларнинг ҳал этилмагани, шунингдек, ҳудудлар мақомини бошқача тушуниш” сабаб бўлган.
Россия яна бир ҳарбий можарода иштирок этиши мумкин
Макрон: "Агар Россия ғалаба қозонса..."
Россия Арманистон учун қарор чиқарди
