Россия ва Украина 6000 нафар ҳарбий жасадини алмашади — янги келишув эълон қилинди

Украина мудофаа вазири Умеров сўзларига кўра, томонлар 6000 га 6000 формуласи бўйича ҳалок бўлган ҳарбийларнинг жасадларини алмашишга келишиб олди.

Шунингдек, икки давлат оғир касал ва 25 ёшгача бўлган ҳарбий асирларни алмашиш бўйича ҳам келишувга эришди. Аммо ўт очишни тўхтатиш ва Истанбулдаги юқори даражадаги музокаралар ҳозирча келишилмаган.

Украина делегацияси Россияга яна бир учрашувни июн ойи охиригача ўтказишни таклиф қилди. Россия ўз меморандумини тақдим этган ва уни ўрганиш учун Украина томонига бир ҳафта вақт керак бўлади.