Россия ва Эрон президентлари учрашуви бўлиб ўтди

Тяньцзинда ШҲТ саммити доирасида Владимир Путин ва Масуд Пезешкиён бошчилигидаги Россия ва Эрон делегациялари учрашуви бўлиб ўтди.

Унда икки давлат стратегик шериклик шартномаси асосида, турли соҳаларда, муваффақиятли ҳамкорлик қилаётгани қайд этилди.

Шунингдек, халқаро масалалар, жумладан Эрон ядровий дастури борасида доимий мулоқот давом этаётгани ҳам айтиб ўтилди.

Эрон президенти Теҳрон ва Москва орасида пайдо бўлиши мумкин бўлган барча тўсиқларни бартараф этиш учун шахсан ҳаракат қилишини таъкидлади.