«Россия вакиллари Бюргенсток жараёни доирасидаги ҳеч қандай учрашувда қатнашмаган ва қатнашиш ниятида ҳам эмас», — деди Мария Захарова. Россия ТИВ расмий вакили Украина президенти Владимир Зеленскийнинг Россия Федерацияси вакиллари иштирок этиши мумкин бўлган иккинчи «тинчлик саммити» зарурлиги ҳақидаги сўзларига шундай жавоб берди. У, жумладан, Украина ва халқаро ҳамжамиятни «Россияга таслим бўлиш ультиматумини тақдим этиш» ниятида айблади.
Аввалроқ Украина президенти Владимир Зеленский 2024 йилнинг ноябрига мўлжалланган навбатдаги Глобал тинчлик саммити ташкилотчилари Россияни таклиф қилмоқчи эканлигини маълум қилганди. Бундан ташқари, Зеленский сентябрь ойида АҚШ президенти Жо Байден билан Россия бошлаган урушни тугатиш бўйича «ғалаба режаси»ни тақдим этиш учун янги учрашув ўтказишини эълон қилди. Зеленскийнинг сўзларига кўра, ҳужжат ноябрь ойи бошида тайёр бўлади ва «Россия билан исталган форматда мулоқот қилиш»нинг бошланиши ва асосига айланади.
Эрон Украинанинг Россия билан можарода мағлубиятга учраганини эълон қилди
Голландия прогнози: уруш тугамайди ва Россия «ҳақиқатан ҳам кучли»
Россия Ғарбни учинчи жаҳон уруши ҳақида огоҳлантирди
