Россия қўшинлари қайси йўналишларда ҳужумни кучайтириши мумкин? Украина расмийси жавоб берди

Украина президенти офиси раҳбари ўринбосари Павел Палиса таъкидлашича, Россия қўшинлари яқин кунларда асосий ҳужум ҳаракатларини қуйидаги йўналишларда амалга ошириши мумкин:

• Донецк ва Луганск вилоятларининг маъмурий чегарасига чиқиш;

• Харьков ва Сум вилоятлари ҳудудида “буфер зона” яратиш;

• Запорожье йўналишида Украина мудофаасини ёриб ўтиш;

• Херсон вилоятида дарёдан ўтиб ҳужумни ривожлантириш.

Палисага кўра, Россиянинг тинч аҳолига қилган ҳужумлари АҚШнинг Украинага муносабатига таъсир қилмоқда. У АҚШ ва Европа ёрдамини Украина учун ҳал қилувчи деб ҳисоблайди. Шунингдек, Украина ўз мудофаа салоҳиятини кучайтириш устида иш олиб бормоқда: миллий ПВО, ракета тизимлари ва снарядлар ишлаб чиқариш кенгайтирилмоқда.