Бу ҳақда Reuters хабар берди.
Агентликнинг ҳисоб-китобларига кўра, Украина ҳужумлари ва Россия “соя флоти” танкерларининг қўлга олиниши натижасида кунига 2 миллион баррел нефтни чет элга етказиб бериш имконияти вақтинча йўқотилди.
"АҚШ ва Исроилнинг Эронга қарши уруши ортидан нефт нархи баррелига 100 доллардан ошиб кетган бир пайтда, замонавий Россия тарихидаги энг йирик таъминот узилиши юз бермоқда. 2026 йил март ойида Украина дронларининг Болтиқ денгизидаги Приморск ва Усть-Луга портларига берган зарбаларидан сўнг нефт жўнатиш тўхтаб қолган. Новороссийск портида ҳам юк ортиш ҳажми режадагидан анча паст", дея хабар бермоқда Reuters.
Бундан ташқари, Россиянинг Украинага берган зарбалари оқибатида шикастланган “Дўстлик” қувури орқали нефт транзити январь ойидан бери тикланмаган. Европа давлатлари “соя флоти” танкерларини тез-тез ҳибсга олаётгани сабабли Мурманскдан амалга ошириладиган таъминот ҳам издан чиққан. Ҳозирда Россия фақат Хитой, Беларусга, шунингдек, “Сахалин” лойиҳаси орқали нефтни узлуксиз экспорт қилмоқда.
Эронда бир баққол дўкони ойнасида шундай ёзув илган:
Ҳусановнинг финалдаги ўйини қандай баҳоланди?
Эрон АҚШ ультиматумига жавоб қайтарди
