Россия Украинадаги урушга бошқа мамлакатлар фуқароларини ёллашда давом этмоқда, деб ёзади Al Jazeera. Кубаликлар, сербияликлар, непалликлар ва ҳиндистонликлар сафига энди шри-ланкаликлар ҳам қўшилди. Ушбу мамлакатнинг камида икки нафар фуқароси фронтда ҳалок бўлишга ҳам улгурган.
Фронтда яраланган 36 ёшли Сенака Бандара нашрга маълум қилишича, улар бунчалик хавфли вазиятга тушишларини билмаган. У оғир яраланган ҳамюртини ўқ ёмғири остидан олиб чиқишга уринган, аммо Украина дронлари уларнинг истеҳкомини йўқ қилган, натижада Сенака ўзини қутқаришга мажбур қолган.
Унинг сўзларига кўра, уларга Донецкда “ёрдамчи ишлар”га жалб этилишларини айтишган. Улар икки марта тайёргарлик курсидан ўтган, шундан сўнг олд фронтга юборилган. “Аммо биз у ерда ҳужумга учрашимизни билмагандик”, — деди Сенака.
Россияда истиқомат қилаётган шри-ланкаликлар нашрга маълум қилишича, айни пайтда Украинадаги Россия армияси таркибида уларнинг юзлаб ҳамюртлари хизмат ўтамоқда. Улар ойига 3000 долларгача маош ва Россия фуқаролигини бериш ваъдалари билан жалб қилинган.
Шойгу уруш тугайдиган “аниқ ва шубҳасиз” санани маълум қилди
Россия ҳукумати бунга рози бўлди
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
