Португалия миллий терма жамоаси бош мураббийи Роберто Мартинес жамоа сардори Криштиану Роналдунинг жаҳон футболидаги ўрни ҳақида тўхталиб ўтди.
Мутахассиснинг фикрича, Криштианунинг буюклигини исботлаш учун Жаҳон кубоги шарт эмас.
Буюклик учун ЖЧ шартми?
Роберто Мартинес ЖЧ-2026 олдидан Роналдунинг мероси ҳақида шундай деди:
"У Жаҳон кубогини қўлга киритадими ёки йўқми, барибир барча замонларнинг энг буюк футболчиси бўлиб қолаверади. Бу борада менинг фикрим қатъий".
Терма жамоанинг мақсади:
Мураббий Португалия миллий терма жамоасининг олдига қўйилган вазифалар ҳақида ҳам гапириб ўтди:
"Бизнинг асосий масъулиятимиз — Жаҳон кубоги учун курашишда энг яхши имкониятларни яратиш. Бунга доимий таҳлил, ўз устимизда ишлаш ва Миллатлар лигасидаги муваффақиятга ёрдам берган ўша жанговар кайфиятни сақлаб қолиш орқали эришамиз", — деди Мартинес.
Эслатиб ўтамиз, 41 ёшли Роналду Португалия миллий терма жамоаси билан фаолиятидаги сўнгги Жаҳон чемпионатига тайёргарлик кўрмоқда. Унинг коллекциясида фақатгина ушбу нуфузли соврин етишмаяпти.
"Ал-Ҳилол" футболчилари Бензема билан шартнома имзоланганидан афсусда
Суперлига клублари раҳбарлари ҳибсга олинди
Винисиусни «маймун» деб ҳақорат қилганлар топилди
