«Рома» клубининг базасидан Иккинчи жаҳон уруши даврида портламай қолиб кетган 20та снаряд топилди.
“Иккинчи жаҳон уруши снарядларини Тригориядаги базамиздан муваффақиятли олиб ташлаган Италия армиясига ва уларнинг сапёрлар отрядига катта раҳмат", - дейилади жамоанинг "Твиттер"даги аккаунтида.
Манбанинг ёзишича, снарядлар янги машғулотлар майдонларини қуриш пайтида топилган.