Лодзь шаҳрида Польша фуқароси бошқа бир польшаликни украиналик деб ўйлаб, унга ҳужум қилди. Жабрланувчи боши, бурни ва жағидан жиддий жароҳат олган, деб хабар бермоқда RMF24 радиостанцияси.
«Лодзь полицияси шаҳар марказида ҳужум уюштирган жиноятчини қидирмоқда. Жабрланувчи — полшалик эркакнинг сўзларига кўра, ҳужумчи уни украиналик деб ўйлагани туфайли унга ташланган», — дейилади радио хабарида.
Аниқлик киритилишича, безори телефонда гаплашиб кетаётган эркакка зарба берган, сўнгра уни ҳақорат қилиб, Польшада унга жой йўқлигини айтган. Жиноятчининг шахси ҳозирча аниқланмаган.
Полиция ҳужум қилган шахснинг ҳам полшалик эканини аниқлади, унинг асл мотиви эса қўлга олинганидан кейин маълум бўлади.
“Ислом НАТО”сига қўшилишни хоҳловчилар кўпаймоқда
Путин Украина билан тинчлик музокаралари учун Москва шартини айтди
ЖЧ-2042га қайси давлат мезбонлик қилади?
