Рим папаси операция қилинади

Рим папаси Лев XIV ўпкасидаги ўсмани олиб ташлаш учун операция қилинади.

Рим папаси Лев XIV ўпкасида тугун аниқланганидан сўнг яқин кунларда жарроҳлик амалиётини ўтказишини маълум қилди.

Понтификнинг сўзларига кўра, ўпкадаги ҳосила дастлабки босқичда аниқланган. Ватикан ҳозирча унинг саломатлиги билан боғлиқ бошқа тафсилотларни ошкор қилмаган.

«Шифокорлар жарроҳлик аралашувини мақсадга мувофиқ деб ҳисобламоқда. Уларнинг тавсиясига амал қилиб, операцияга рози бўлишга қарор қилдим. Амалиёт яқин кунларга белгиланган. Маънавий қўллаб-қувватлаганингиз учун миннатдорман ва дуоларингизда эслашингизга умид қиламан», — деди 71 ёшли понтифик якшанба кунги ибодат вақтида.