Жорий йилнинг 5-8 март кунлари Рим папаси Франциск Ироққа сафар қилади, дея хабар бермоқда “Анадолу” агентлиги.
Шу пайтгача бирор папа Ироққа келмаган. Католикларнинг ҳозирги раҳнамоси коронавирус пандемияси туфайли 2020 йилдаги хориж сафарларини бекор қилган эди. Ватикан папанинг Ироққа “биродарлик ва умид” учун бораётганини билдирди.
Қайд этилишича, папа Франциск хориж сафарлари чоғида зирхли машинадан фойдаланмайди, аммо Ироқда бу одатидан воз кечади.
Рим папаси Бағдодда музокаралар ўтказгач, 6 март куни Нажаф ва Ур шаҳарларига боради. Нажафда шиалар етакчиси Али Систоний билан, Урда эса язидийлар билан учрашади.
Бундан ташқари, Франциск 7 март куни Ироқ курд минтақавий бошқаруви вакиллари билан учрашув ўтказади.
Шойгу уруш тугайдиган “аниқ ва шубҳасиз” санани маълум қилди
Зеленский шуни ёдда тутиши керакки, у Ашраф Ғани каби ёки ундан ҳам баттарроқ бўлиши мумкин
Аriston компанияси миллийлаштирилгач, Россия элчиси Италия ТИВга чақиртирилди
