Reuters/Ipsos агентлигининг тўрт кун давомида онлайн тарзда ўтказган сўровига кўра, американликларнинг атиги 31 фоизи АҚШ президенти Доналд Трамп ҳақида ижобий фикрда.
Бу Трампнинг иккала президентлик муддатидаги энг паст рейтинги саналади. Икки ҳафта олдин ўтказилган шунга ўхшаш сўровнома президентнинг рейтингини 32% га тенг эканлигини кўрсатган эди. Таққослаш учун, 2026 йил январь ойида Ipsos респондентларининг 42 фоизи АҚШ президентининг фаолиятини маъқуллаган.
Респондентларнинг 66 фоизи Трампнинг фаолиятидан норози. Қолган респондентлар фикр билдиришдан бош тортишди.
Агар оралиқ сайловлар ҳозирда бўлиб ўтаётган бўлса, 47 фоиз овоз демократлар, 35 фоиз овоз эса республикачиларга берилиши мумкин эди.
Америка оммавий ахборот воситалари сўров натижалари келаси ой АҚШ Конгресс сайловлари Республикачилар партияси учун фалокат бўлиши мүмкинлигини кўрсатаётганини таъкидламоқда. Агар республикачилар ҳар икки палатада ҳам кўпчиликни йўқотса, Трамп учун унинг дастурини амалга ошириш қийинроқ бўлади.
Аввалги сўровлар шуни кўрсатдики, сайловчилар Трамп мамлакатнинг энг долзарб масалаларига, жумладан, турмуш даражасининг ошишига етарлича эътибор бермаяпти, деб ҳисоблашади.
АҚШда оралиқ сайловлар 3 ноябрга белгиланган. Американликлар Вакиллар палатасининг тўлиқ таркибини (435 ўрин) ва 50 сенатордан 35 тасини сайлайдилар. Республикачилар ҳозирда Конгресснинг иккала палатасини ҳам назорат қилади.
Ўзбекистондан учган иккита самолёт ва яна 370 дан ортиқ бошқа рейслар дрон таҳдидлари туфайли Москвага қўна олмади
Рус қўшинлари Киевга олиб борадиган яхши асфальт йўлдан юрганида...
Шоҳжаҳон Эргашевнинг Тошкентдаги жанги жанжал билан ниҳоясига етди
