Европа Иттифоқига аъзо давлатлар элчилари 7 октябрь куни Россияга қарши 22-санкциялар пакетини келишиб олишни режалаштирмоқда. Янги чекловлар рўйхатига 1,65 мингга яқин янги ташкилот ва жисмоний шахс киритилиши кутилмоқда. Бу ҳақда Reuters европалик дипломатларга таяниб хабар берди.
Агентлик маълумотига кўра, рўйхатга киритиладиган ташкилотлар ва шахсларнинг аксарияти ҳарбий-саноат мажмуаси билан боғлиқ.
ЕИ элчилари санкциялар рўйхатини маъқуллаганидан сўнг, ҳужжат 12 октябрь куни якуний тасдиқлаш учун Европа Иттифоқи ташқи ишлар вазирларига тақдим этилади.
Аввалроқ Европа Иттифоқининг ташқи сиёсат ва хавфсизлик масалалари бўйича олий вакили Кая Каллас 22-санкциялар пакети 2022 йилдан буён энг кенг кўламлиси бўлишини айтган эди. Унинг сўзларига кўра, чекловлар остидаги россиялик жисмоний шахслар, компаниялар ва ташкилотлар сони бирданига учдан бирга кўпаяди.
Европа Иттифоқининг Россияга қарши 21-санкциялар пакети 23 июль куни қабул қилинган эди. Ундан Россия ва Беларусь нефть соҳалари, банклар ва тўлов тизимлари, Москва биржаси ва криптовалюта инфратузилмаси, суюлтирилган табиий газ бозори, транспорт сектори ҳамда металлургия саноатига нисбатан чекловлар ўрин олган.
Аэропортда янги туғилган чақалоқ ва унинг онаси вафот этди
13 ёшли қиз эгизак фарзандли бўлди
«Биз тайёрмиз»: Мерц Киевдан Путинга мурожаат қилди
