МРБ директори Жон Рэтклифф Москвага амалга оширган махфий ташрифи чоғида АҚШ президенти Дональд Трамп, Россия президенти Владимир Путин ва Украина президенти Владимир Зеленский иштирокида уч томонлама учрашув ўтказишни таклиф қилган.
Бу ҳақда Axios икки манбага таяниб хабар берди.
Нашр маълумотига кўра, ташрифнинг асосий мақсадларидан бири Россия махсус хизматлари раҳбарлари Путинни АҚШ воситачилигида Украина билан музокараларга қайтишга ундай олиши ёки йўқлигини аниқлаш бўлган.
Шу мақсадда Рэтклифф Россия Ташқи разведка хизмати раҳбари Сергей Наришкин ва Федерал хавфсизлик хизмати директори Александр Бортников билан музокаралар ўтказган.
Axios'нинг ёзишича, жума куни америкалик расмийлар Зеленскийни Рэтклиффнинг Москвадаги учрашувлари ҳамда Трамп, Путин ва Зеленский иштирокида уч томонлама саммит ўтказиш таклифи ҳақида хабардор қилган.
Зеленский бундай форматдаги музокараларга аввал ҳам розилик билдирган, Путин эса бу таклифни рад этгани қайд этилмоқда.
Манбаларга кўра, Рэтклифф Бортниковни Россия ва АҚШ ўртасидаги дипломатик мулоқотни қайта тиклашга кўмаклаша оладиган "конструктив иштирокчи" сифатида баҳолайди.
Wildberries асосчиси яна Россиянинг энг бой аёлига айланди
Уч ёшида тахтга чиққан Уганда монархи 34 ёшида вафот этди
Россияда дронларга қарши “ақлли” радар ишлаб чиқилди
