“Рэкетир” юлдузи Мурат Бисенбин вафот этди

Қозоғистонлик таниқли актёр Мурат Бисенбин 54 ёшида вафот этди. Бу ҳақда унинг қизи хабар берди.

Таниқли актёр Мурат Бисенбиннинг қизи отасининг вафоти ҳақида Instagram’даги шахсий саҳифасида маълум қилди. «Чексиз севаман», — деб ёзиб қолдирган актёрнинг қизи.

Эслатиб ўтамиз, бир неча ҳафта олдин Мурат Бисенбиннинг қизи отаси инсульт ўтказганини маълум қилган эди. Актёр Жан Байжанбаев эса Бисенбиннинг аҳволи ёмонлашганини айтган. У актёр жисмонан жуда заифлашгани сабабли унга зудлик билан иммунотерапия зарурлигини таъкидлаган.

2024 йилнинг кузида Мурат Бисенбинда саратон касаллиги аниқлангани маълум бўлган эди. “Рэкетир” юлдузи саратонни енгиб, яна кино оламига қайтиш нияти борлигини билдирган эди.