«Реал» Винисиус фақат битта клубга ўтиши мумкин деб ҳисобламоқда

«Реал» ҳужумчиси Винисиус Жуниорнинг келажаги ноаниқлигича қолмоқда. Бразилиялик футболчининг Мадрид клуби билан шартномаси 2027 йилнинг ўрталаригача мўлжалланган, бу эса, ўз-ўзидан маълумки, жуда муҳим омил ҳисобланади. Агар «қаймоқранглилар» Винисиус билан битимни узайтириш бўйича келиша олишмаса, клуб бир йилдан сўнг уни текинга бой бермаслик учун ҳозироқ сотишни афзал кўриши мумкин.

ESPN нашрининг хабар беришича, агар «Реал» футболчи билан шартномани узайтирмаса, уни қўйиб юбориши мумкин бўлган ягона клуб сифатида «Арсенал»ни кўриб чиқмоқда.

«Арсенал» эса айни дамда 26 ёшли Винисиуснинг трансфери молиявий жиҳатдан қанчалик мақсадга мувофиқ эканини ўрганмоқда.