«Реал» Моуриньонинг тайинланишини қачон эълон қилиши маълум бўлди

Жозе Моуриньо Мадриднинг «Реал» клубига қайтишга жуда яқин турибди. «The Special One»нинг тайинланиши — деярли ҳал бўлган масала. Cope нашри берган маълумотларга кўра, «қироллик клуби» португалиялик мутахассиснинг қайтишини мавсум тугаши билан эълон қилади.

«Қаймоқранглилар»нинг жорий мавсумдаги сўнгги ўйини 24 май куни «Атлетик Бильбао»га қарши бўлиб ўтади. «Реал» аллақачон чемпионлик имкониятларини йўқотган: якшанба куни жамоа сафарда «Барселона»га имкониятни бой берди ва бу натижа маррага уч тур қолганда «кўк-анорранглилар»нинг чемпионлигини таъминлади.

Моуриньо январь ойидан бери мадридликлар бошқарувида турган Альваро Арбелоанинг ўрнини эгаллайди. Ҳозирда Жозе «Бенфика»да фаолият юритмоқда, Португалия клуби мураббий билан хайрлашгани учун тахминан 6 млн евро компенсация олади.