"Реал" бу юлдуз учун 150 миллион евро тўлашга тайёр

"Реал" ёзги трансферлар ойнасида "Челси" ярим ҳимоячиси Энцо Фернандесни сотиб олмоқчи.

Испания гранди футболчи учун катта маблағ тайёрламоқда. "Қаймоқранглилар" Энцо учун 150 миллион евро таклиф қилишмоқчи. Ярим ҳимоячининг ўзи ҳам "Челси"дан кетмоқчи. Мазкур трансфер клубдаги президентлик сайловларида ғалаба қозонишга интилаётган Флорентино Переснинг шахсий ташаббуси ҳисобланади.

Энцо Фернандеснинг "Челси" билан тузган меҳнат шартномаси 2032 йилнинг ёзига қадар амал қилади. Transfermarkt портали футболчининг қийматини 90 миллион еврога баҳоламоқда.