Чеченистон раҳбари Рамзан Қодировнинг ўғли Адам Қодиров Грознийдаги йўл-транспорт ҳодисасидан сўнг шифохонага ётқизилди. Бу ҳақда чечен мухолифатидаги нашрлар ўз манбаларига таяниб хабар бермоқда.
Маълумотларга кўра, Адам Қодиров оғир аҳволда, ҳушсиз ҳолатда Грознийдаги республика шифохонасига етказилган. Ҳозирда уни Москвага олиб кетишга тайёргарлик кўрилмоқда.
Манбаларнинг айтишича, Адам Қодиров кортежи катта тезликда ҳаракатланган, бир неча автомобил авария иштирокчиси бўлган, бир неча киши жароҳатланган.
Ҳалокатдан кейин Грозний шаҳри, хусусан, Қодиров олиб борилган шифохона йўллари ёпилган.
18 ёшли Адам Қодиров Чеченистон раҳбари Рамзан Қодировнинг энг таниқли фарзандларидан бири. У Чеченистон хавфсизлик кенгаши котиби ва республика ИИВ куратори ҳисобланади.
"Орешник" зарбаси Ғарб учун сигнал бўлди
Эрон Starlinkни блоклашга муваффақ бўлди
Уч давлат АҚШни Эронга ҳужум қилмасликка кўндиришга ҳаракат қилмоқда
