Чеченистон раҳбари Рамзан Қодиров 12 октябрь куни “Фахрий темирйўлчи” кўкрак нишони билан тақдирланди. Бу ҳақда Chechnya Today ахборот агентлиги хабар берди.
Мукофотлаш маросими Грозний шаҳрида бўлиб ўтди. Тадбир Грозний темир йўл вокзалига Чеченистоннинг биринчи президенти Ахмат Ҳожи Қодиров номини бериш маросими доирасида ўтказилди.
“Темир йўл транспортини ривожлантиришга қўшган салмоқли ҳиссаси ва юқори кўрсаткичларга эришгани учун Чеченистон Республикаси раҳбари Рамзан Ахматович Қодиров “Россия темир йўлларининг фахрий темир йўлчиси” кўкрак нишони билан тақдирланади”, деб ўқиб эшиттирди тадбир бошловчиси.
Ўтган ҳафтада Рамзан Қодиров Россия Мусулмонлари диний мажлисининг олий ордени билан тақдирланган эди. Унга 1-даражали “Россиянинг биринчи муфтийси Муҳаммаджон Ҳусаинов” ордени берилган.
Шунингдек, Чеченистон раҳбари яқинда Россия армияси генерали унвони ҳамда қизил беретни қабул қилиб олган эди.
Нега айнан Эркинжон Турдимов? Бу қарор ортида қандай омиллар турибди?
MrBeast: “Ўзбекистонда мухлисларим шу қадар кўпки, балки кетишимизга тўғри келар”
Германия Россия билан дизель ёқилғиси етказиб бериш бўйича келишув тузишни таклиф қилди
