Рафинья «Барселона»да 2011 йилдан бери кузатилмаган натижани қайд этди

Бразилиялик ҳужумчи Рафинья мавсумни ажойиб бошлади — у Испания чемпионатининг дастлабки учта учрашувида ҳам гол уришга муваффақ бўлди. У «Атлетик», «Эльче» ва «Райо Вальекано» дарвозаларини ишғол қилди.

Маълум бўлишича, Рафинья 2011 йилдан бери Ла Лиганинг дастлабки учта ўйинида ҳам гол урган илк «Барселона» футболчиси бўлди.

Қизиғи, ўша пайтда бу натижани Лионель Месси эмас, балки Сеск Фабрегас қайд этган эди.

XXI асрда «Барселона» сафида бундай натижага яна икки футболчи эришган: Златан Ибрагимович 2009 йилда, Самюэль Это’О эса 2006 йилда чемпионатнинг дастлабки учта учрашувида ҳам гол урган.