Қувайт кемасига ҳужум қилинди

Ҳужум оқибатида тўрт нафар ҳарбий яраланди, армия ракеталар ва ўнлаб дронлар йўқ қилинганини маълум қилди.

Қувайт Қуролли кучлари мамлакат Ҳарбий-денгиз кучларига қарашли кемалардан бири Эрон билан боғланган ҳужумга учраганини маълум қилди.

Армия маълумотларига кўра, зарба оқибатида тўрт нафар ҳарбий хизматчи жароҳат олган. Барча жабрланганларга тиббий ёрдам кўрсатилган, уларнинг аҳволи барқарор деб баҳоланмоқда.

Қувайт ҳарбийлари баёнотида айтилишича, ҳаво мудофаа кучлари битта баллистик ракета, бешта қанотли ракета ва 33 та учувчисиз учиш аппаратини аниқлаб, йўқ қилган.

Қайд этилишича, ҳужумлар бир нечта муҳим инфратузилма ва фуқаролик объектларига қаратилган. Уриб туширилган нишонлар парчалари моддий зарар келтирган.

Араб давлати ҳокимияти ҳаво ҳужуми хавфи сиреналари янграётгани муносабати билан аҳолини хавфсиз жойларга яширинишга чақирди. Бу сўнгги 24 соат ичида Баҳрайнда эълон қилинган тўртинчи шундай огоҳлантириш бўлди. Баҳрайнда АҚШ Ҳарбий-денгиз кучларининг 5-флоти жойлашган.