"Қрим ярим оролида ёнилғи тақчиллиги бор, аммо у критик даражада эмас"

Путин Павел Зарубинга берган интервьюсида ёнилғи инқирози, Украина билан музокаралар ва АҚШ билан келишувлар ҳақида гапирди

Россия президентининг бошқа баёнотлари:

◾️ Украина Қуролли Кучларининг Россия инфратузилмасига бераётган зарбалари муаммолар туғдирмоқда;

◾️ Мамлакатда ва хусусан Қрим ярим оролида ёнилғи тақчиллиги бор, аммо у критик даражада эмас ва вақтинчалик хусусиятга эга, ҳозирда у ерда бир неча кунлик захира мавжуд;

◾️ Нефтгазни қайта ишлаш заводларига берилаётган зарбалар Россия жамиятида бўлиниш келтириб чиқариш ва қўшинлар ҳужумини тўхтатишга қаратилган "информацион операция"дир, бироқ бу содир бўлмайди;

◾️Қримни энергия билан таъминлаш вазифаси ҳал этилади, ёнилғи етказиб бериш ҳажми қуруқлик ва денгиз йўллари орқали оширилади.

◾️ Шикастланган барча энергетика объектлари тез фурсатда тикланмоқда, тизим катта мустаҳкамлик захираси билан ишлаяпти ва дефицитни қоплаш учун импорт ҳам йўлга қўйилади;

◾️ Украинанинг ҳудудлар ичкарисига ўзаро зарбаларни тўхтатиш таклифига жавобан, Россиянинг жавоб зарбалари анча кучлироқ ва сезиларлироқдир;

◾️Киев жанговар ҳаракатларни фақат тўртта ҳудуд — Донецк, Луганск, Запорожье ва Херсон билан чеклашни таклиф қилмоқда, бу уларга кучларни бошқа йўналишлардан кўчириш учун керак, аммо "Украина режимини қутқариш Россия режаларига кирмайди";

◾️ Москва Киевнинг музокаралар учун ўз шартларини ўтказишига ва Россия Қуролли Кучларининг олдинга силжишини тўхтатишига йўл қўймайди;

◾️ Россия Қуролли Кучларининг бош вазифаси — Донбасс ва Новороссияни тўлиқ озод қилишдир

◾️ Киев Курск вилоятидаги ҳаракатлари учун хавфсизлик ҳудуди яратишга зарур бўлган ҳудудларини йўқотиш билан товон тўлайди;

◾️ Мамлакат Қуролли Кучларидан Суми шаҳригача 10,5 км масофа қолди, бу ердаги мақсад ҳам хавфсизлик зонасини яратишдир;

◾️Ҳаво ҳужумидан мудофаа воситаларини ишлаб чиқариш ва етказиб беришни кўпайтириш зарур;

◾️Москва энди Украина ва Ғарб Минск келишувларини бажариш ниятида бўлмаганини аниқ билади;

◾️Анкоридждаги (Аляска) саммитда расмий ҳужжатлар имзоланмаган ва "Анкоридж руҳи" расмий тус олмаган, бироқ у ерда Украинадаги можарони якунлаш имкониятлари ва айнан АҚШ томонидан таклиф қилинган келишувлар муҳокама қилинган, Москва уларга рози бўлган;

◾️ Россия Вашингтон билан Анкоридждаги барча шартларни муҳокама қилишни давом эттиришга тайёр ва Эрон йўналишидаги "қизғин палла" тугаганидан кейин АҚШ делегациясининг Москвага ташрифини кутмоқда.

◾️Трамп — нима қилаётганини биладиган етук сиёсатчи, европалик етакчилар унинг Украина бўйича позициясига таъсир ўтказа олганига шубҳа бор;

◾️ Зеленскийнинг Беларусга ҳужум қилиш ҳақидаги таҳдидлари хавотир уйғотади, аммо бу Александр Лукашенкода ҳеч қандай ваҳима келтириб чиқармайди, у бунга вазмин ва совуққонлик билан ёндашмоқда;

◾️ Лукашенко Украина можаросини тинч йўл билан ҳал этишни ҳар томонлама қўллаб-қувватлашга тайёр.