Қорақалпоғистонда Қозоғистон Республикаси фуқароси Toyota Land Cruiser русумли автомобилида ҳаракатланиб келаётган вақтида бошқарувни йўқотиб, йўл-транспорт ҳодисасига учради. ЙТҲ оқибатида ҳайдовчи вафот этди. Бу ҳақда Ўзбекистон Республикаси Ички ишлар вазирлиги Йўл ҳаракати хавфсизлиги Бош бошқармаси Матбуот хизмати хабар бермоқда.
Қайд этилишича ЙТҲ жорий йилнинг 21 июль куни 14:00 лар чамасида Қорақалпоғистон Республикаси Элликқалъа туманидан ўтувчи 4 К 1-йўлининг 5-6 километрида содир бўлган. Ҳайдовчи ушбу йўлдан ҳаракатланиб келаётган вақтида бошқарувни йўқотиб, ЙТҲга учраган. Ушбу ҳодиса оқибатида ҳайдовчи воқеа жойида вафот этган.
Маълум қилинишича, Toyota Land Cruiser русумли автомобиль ҳайдовчиси вақтинча Элликқалъа туманида яшовчи Қозоғистон фуқароси бўлган.
Ўғри божхоначилар 26 тонна олтин билан қўлга тушди
Германия ва Швеция ҳарбий ҳамкорликни кучайтирмоқчи
Қодиров Эстонияга ракета ҳужумларини уюштиришга чақирмоқда
