Мажбурий ижро бюроси Навоий вилояти Қизилтепа туман бўлими ходимлари томонидан тумандаги Кушарти МФЙда жойлашган фуқаро Р. Ғ. ўзига тегишли хонадонда ўзбошимчалик билан электр тармоғига ҳисоблагичдан ташқари яширин равишда уланиб, 1 дона телевизор, 3 дона ёритгич, 2 дона электр иситиш печи, 1 дона электр плита, 1 дона розетка орқали электр энергиясидан 221 кун давомида ноқонуний фойдаланиб келиб, Қизилтепа туман электр таъминоти корхонаси манфаатларига жами 6 218 940 сўмлик моддий зарар етказганлиги аниқланган.
Aniq.uz сайтининг ишончли манбаси хабарига кўра, ўз ҳаракатларини ноқонуний эканлигини тушунган Р.Ғ. 24.12.2018 йилда Қизилтепа туман электр таъминоти корхонаси манфаатларига етказилган 6 218 940 сўм зарарни тўлиқ қоплаган.
Тўпланган ҳужжатлар юзасидан 26.12.2018 йилда Р.Ғ.га нисбатан МЖтКнинг 101-моддаси билан энг кам ойлик иш ҳақининг 5 баробари яъни, 1 013 650 сўм миқдорида жарима қўлланилиб, қўлланилган жарима суммаси тўлиқ ундирилиши таъминланди.