Қирғизистоннинг Эрондаги элчихонаси фаолиятини тўхтатди

Қирғизистоннинг Эрондаги элчихонаси ўз фаолиятини тўхтатди.

Бу ҳақда Қирғизистон Ташқи ишлар вазирлиги маълум қилди.

"Шу билан бирга, вазирлик Эронга саёҳат қилмасликни тавсия қилади. Фавқулодда ҳолатларда ёки консуллик ёки ҳуқуқий ёрдамга эҳтиёж сезилганда, илтимос, Ташқи ишлар вазирлиги Консуллик департаменти ва Қирғизистон Республикасининг Эронга қўшни давлатлардаги дипломатик ваколатхоналарининг ишонч телефонига мурожаат қилинг", дейилади пресс-релизда.

Эрондаги Қирғизистон фуқароларидан ҳушёрликни ошириш, хавфсизлик чораларига қатъий риоя қилиш, гавжум жойлар ва хавфли ҳудудлардан қочиш ҳамда маҳаллий ҳокимият органларининг кўрсатмаларига қатъий риоя қилиш сўралади.