Қирғизистон президенти яна икки нафар вазирни ишдан бўшатди

Қирғизистон президенти Садир Жапаров Бақит Торобаевни Вазирлар Маҳкамаси раиси ўринбосари ва Сув хўжалиги, қишлоқ хўжалиги ва қайта ишлаш саноати вазири лавозимидан озод этишга қарор қилди.

Бу ҳақда Қирғизистон президенти матбуот хизмати маълум қилди.

Соғлиқни сақлаш вазири Канибек Досмамбетов ҳам ишдан бўшатилган.

Аввалроқ Садир Жапаров учта вазирни: Фавқулодда вазиятлар вазири Бообек Ажикеев, Транспорт ва коммуникациялар вазири Абсаттар Сиргабаев ва Табиий ресурслар, экология ва техник назорат вазири Медер Машиевни ишдан бўшатган эди.