"ҚазТрансОйл" Ўзбекистонга транзитни қайта тиклайди

"ҚазТрансОйл" Қирғизистонга нефть етказиб бериш ҳажмини оширади ва Ўзбекистонга транзитни қайта тиклайди.

Компания йил охирига қадар Қирғизистонга 30 минг тоннагача хом нефть етказиб беришни режалаштирмоқда. Ушбу йўналиш бўйича нефть ташиш охирги марта 2017-йилда амалга оширилган эди.

Шунингдек, декабрь ойида "ҚазТрансОйл" Ўзбекистонга нефть транзитини ҳам қайта тиклайди — етказиб бериш ҳажми 35 минг тоннагача бўлади. Икки йўналиш бўйича жами 65 минг тонна нефть етказиб бериш режалаштирилган.

❗️ Нефть магистрал қувурлар орқали "Шағир" пунктигача ташилади, шундан сўнг темир йўл цистерналарига юкланади.