Буюк Британия денгиз савдо амалиётлари бошқармаси (UKMTO) Қатарнинг Доҳа шаҳридан 23 денгиз мили шимоли-шарқида ҳаракатланаётган юк кемасига номаълум снаряд келиб урилганини маълум қилди.
Хабарга кўра, ҳодиса оқибатида кичик ёнғин келиб чиққан ва у ўчирилган. Кема капитани қурбонлар йўқлиги ва атроф-муҳитга зарар етказилмаганлиги ҳақида хабар берган
Ҳозирда ҳукумат снаряд манбасини ўрганмоқда. Ҳудуддаги кемаларга эҳтиёткорлик билан ҳаракатланиш тавсия этилди. Кемалар ҳар қандай шубҳали ҳаракатлар ҳақида UKMTO’га хабар беришлари лозим дейилади хабарда.
Воқеа тафсилотлари, жумладан, снаряд тури ва эҳтимолий айбдор ҳали аниқланмаган. Кеманинг кимга тегишлилиги ва ташилаётган юкнинг хусусияти ҳақида ҳам маълумот берилмаган.
Москвадаги барча аэропортлар фаолиятини тўхтатди
Россия Москвадаги парадга борадиган етакчилар рўйхатини эълон қилди
Президентнинг хотинига ҳукм чиқарган судъя ўлик ҳолда топилди
