Бугун 4 май, 2024 йил, шанба

O'ZB

Қашқадарёда кучли шамол туфайли томлар учиб, юзлаб уйлар “светсиз” қолди

Қашқадарёда кучли шамол туфайли томлар учиб, юзлаб уйлар “светсиз” қолди

Жорий йилнинг 26-27 июль кунлари Қашқадарёда кучли шамол ва чанг бўрони кузатилди. Оқибатда томлар учди ва юзлаб хонадонлар электр энергияси таъминотидан узилиб қолди. Бу ҳақда вилоят Уй-жой коммунал хизмат кўрсатиш бошқармаси Матбуот хизмати хабар бермоқда.

Қайд этилишича, кучли шамол Косон ва Чироқчи туманларида, шунингдек Қарши шаҳрида кузатилган. “Қашқадарё ҳудудий электр тармоқлари” AЖнинг маълум қилишича, вилоятдаги электр тармоқларининг 5-10 фоизига жиддий шикаст етган. Талафотларни бартараф этиш учун 60 дан ортиқ гуруҳ тузилган, улар кеча-ю кундуз таъмирлаш ишларини олиб бормоқда.

Хабарга кўра, шамол оқибатида Қарши шаҳар “Гунгон” МФЙда жойлашган 3-сонли кўп қаватли уй-том қисмининг 80 метр квадрат тунука қопламаси зарарланган.

Аввалроқ, “Ўзгидромет” 25—26-июль кунлари республиканинг баъзи вилоятларида шамол тезлиги сониясига 25-30 метргача кучайиши мумкинлигини маълум қилганди.

.

Киритилди: 15:15 29.07.2021. Ўқилди: 2670 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!