Қашқадарёда илк бор халқаро ҳаво шарлари фестивали ўтказилади

Қашқадарё вилоятининг Шаҳрисабз ва Китоб туманларида Ўзбекистонда илк бор халқаро миқёсда ҳаво шарлари фестивали ўтказилади. Аэронавтика федерацияси Туризмни ривожлантириш қўмитасига мазкур таклифни билдирган. Бу ҳақда ОАВ вакиллари ва туроператорлар учун ташкил этилган инфо-тур давомида маълум қилинди.

Сўнгги йилларда Аэронавтика федерацияси республикамизнинг диққатга сазовор жойларида сайёҳлар учун ҳаво шарларида унутилмас саёҳатларни ташкиллаштириб келмоқда.

Халқаро тадбир 26 апрель санасига мўлжалланган. Келгусида мазкур фестивални ҳар йили ўтказиш режалаштирилмоқда.

Manba: uz24. uz