Путиннинг 1990 йиллардаги ташриф қоғози ауционда қанчага сотилгани маълум қилинди

1990 йилларда Россия президенти Владимир Путинга тегишли бўлган ташриф қоғози Санкт-Петербургдаги электрон ауционда икки миллион рублга сотилди.

1990 йиллар бошида халқ депутатлари Ленинград шаҳар кенгаши раисининг халқаро алоқалар бўйича маслаҳатчиси лавозимида ишлаган Путиннинг ташриф қоғози сотувга қўйилди. Унда бир нечта телефон рақамлари Путин қўли билан ёзилган.

Визитканинг бошланғич нархи минг рубл эди. Савдо бошланишидан беш соат олдин максимал таклиф 200 минг рублга етган. Якунда Путиннинг ташриф қоғози икки миллион рублга сотиб олинди.

Ауцион сайтида ким ошди савдоси ғолиби ҳақида маълумот берилмагани учун айнан ким бу нарсанинг харидорига айлангани номаълум.