Путин янги душман изламоқда ва бу янги душман Европа бўлиши мумкин — Мелони

Modern.az хабарига кўра, бу ҳақда Италия бош вазири Жоржа Мелони маълум қилди.

"Путин Европани провокацияга тортмоқда, чунки у жанг майдонидаги вазиятдан — Украинадаги урушдан — эътиборни чалғитишга муҳтож. У янги душман изламоқда ва бу янги душман Европа бўлиши мумкин" - деди Италия Бош вазири.

Италия бош вазири Европа давлатларини ҳушёр бўлишга ва вазиятни диққат билан кузатиб боришга чақирди.

"Албатта, биз ҳушёр бўлишимиз, вазиятни кузатиб боришимиз ва ҳозир қилаётган ишларимизни давом эттиришимиз керак. Аммо мен Путинга бундай афзаллик бериш керак деб ўйламайман.

Ишончим комилки, биз, айниқса, ҳозирги пайтда совуққонликни сақлашимиз керак," - деди Мелони.

Шунингдек, Италия Бош вазири Жоржа Мелони Европа Кенгаши йиғилишидан олдин Трамп-Путин келишувини очиқчасига қоралади.