Россияда бир кунда коронавирусга чалинганлар сони бўйича янги рекорд ўрнатилди — сўнгги сутка давомида касалланиш бўйича 163 та янги ҳолат қайд этилди. «РБК»нинг хабар беришича, уларнинг аксарияти — 120 таси Москвада аниқланган.
Қолган 43 та ҳолат Россиянинг турли ҳудудларида қайд этилган. Мамлакатда касалланганларнинг умумий сони 658 кишига етган, шулардан 28 нафари тузалган. Касалланганларнинг 410 нафари Москвада аниқланган.
«Ҳозирги кунда Россияда инфекциянинг бундай тез тарқалиши фуқароларнинг Европа мамлакатларидан олиб келиниши билан боғлиқ. Чет элдан қайтиб келгандан кейин 14 кун давомида изоляция қоидаларига қатъий риоя қилиш лозимлигини эслатиб ўтамиз», — дейилади «Росподребнадзор» хабарида.
Сўнгги хабарларга қараганда, Путин ушбу ҳолатдан хавотирда. У яқин орада Россия халқига коронавирус масаласи бўйича мурожаат қилмоқчи.
Бир кун аввал Россияда коронавирусга чалиниш бўйича 57 та ҳолат қайд этилган. 25 мартга келиб эса улар сони қарийб уч бараварга ошган.
Украина президенти Россия билан музокараларга тайёр эканини айтди
АҚШда Украина ҳақида кутилмаган баёнот берилди
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
