Россия президенти Владимир Путин ва Сербия раҳбари Александр Вучич телефон орқали суҳбатлашиб, икки томонлама ҳамкорлик, Украинадаги можаро ва Болқондаги вазиятни муҳокама қилди. Мулоқот Белград ташаббуси билан ўтказилди.
Кремлнинг маълум қилишича, Вучич Путинни Россия Давлат думаси сайловлари ўтказилгани билан табриклаган. Суҳбатда энергетика, нефть-газ соҳаси, транспорт ва соғлиқни сақлаш йўналишларидаги ҳамкорлик масалалари кўриб чиқилган.
Сербия президенти Россиянинг мамлакатга кўрсатаётган ёрдами, жумладан, ўрмон ёнғинларини ўчиришдаги кўмаги учун миннатдорлик билдирган.
Шунингдек, Вучич Сербиядаги навбатдан ташқари парламент сайловларига тайёргарлик ҳақида маълумот берган. Томонлар сайлов жараёнига ташқи аралашувга йўл қўйилмаслиги зарурлигини таъкидлаган.
Болқондаги вазият муҳокамасида Босния ва Герцеговинада Дейтон келишувлари асосидаги тартибни сақлаш ҳамда Серб Республикасининг қонуний ҳуқуқ ва манфаатларини таъминлаш зарурлиги қайд этилган.
Кремл суҳбат илиқ ва дўстона руҳда ўтганини билдирди.
Россияда бир ҳафта ичида касалланганлар сони қарийб 1 миллионга етди
Нетаняху нутқи пайтида зални тарк этган давлатлар рўйхати
Ўзбекистонда дам олиш кунлари об-ҳаво кескин ўзгаради
