ПСЖ ўзининг янги стадионини қурмоқчи

Бу борадаги ишлар аллақачон бошланган.

ПСЖ янги стадион қуриш учун "Legends" ва "Colliers" компаниялари билан шартнома имзолади. Бу ҳақда "L'Equipe" нашри хабар бермоқда.

Дастлаб Франция чемпионлари "Парк де Пренс"ни сотиб олиб, унинг сиғимини оширмоқчи эди. Бироқ Париж мери Анн Идальго стадион сотилмаслигини айтди. Шундан сўнг ПСЖ ўз аренасини қуришга қарор қилди.

"Legends" аввалроқ "Тоттенхэм", "Реал", "Ливерпуль" ва "Манчестер Сити" клубларида ишлаган. Ҳар икки компаниянинг биринчи вазифаси – Парижда янги стадион қуриш учун жой топиш.