«Пари Сен-Жермен» клубининг ўн нафар футболчиси «Олтин тўп» учун 30 номзоддан иборат рўйхатга киритилиши кутилмоқда. Бу ҳақда журналист Бен Жейкобс хабар берди.
Агар ушбу маълумот тасдиқланса, парижликлар турнир тарихида янги рекорд ўрнатади. «ПСЖ»нинг аввалги энг яхши кўрсаткичи ўтган йили қайд этилган бўлиб, ўшанда клубнинг тўққиз нафар футболчиси совринга номзод бўлган эди.
Барча номзодлар рўйхати сешанба куни эълон қилинади. Ўтган йили «Олтин тўп» «ПСЖ» ҳужумчиси Усмон Дембелега насиб этганди. «Барселона» вакили Ламин Ямал иккинчи, парижликлар ярим ҳимоячиси Витинья эса учинчи ўринни эгаллаган.
«Олтин тўп»ни топшириш маросими 26 октябрь куни Лондонда бўлиб ўтади.
Эслатиб ўтамиз, Луис Энрике бошчилигидаги «ПСЖ» ўтган мавсумда кетма-кет иккинчи бор УЕФА Чемпионлар лигасида ғолиб чиқди.
Шаҳноза Мирзиёева Мусулмон Юнусовнинг мурожаатига муносабат билдирди
💴 Адлия вазирлиги Ўзбекистондаги пенсия ва нафақалар миқдорини эслатди
Фарғонада кўп қаватли уй "подвалида" акула боқилаётгани аниқланди
