Лондоннинг «Вест Хэм» клубига тегишли бўлган португалиялик ярим ҳимоячи Матеуш Фернандеш фаолиятини Европанинг топ-клубларидан бирида давом эттириши мумкин. Журналист Бен Жейкобснинг хабарига кўра, Франциянинг «ПСЖ» клуби 21 ёшли футболчининг трансферига жиддий қизиқиш билдирмоқда.
«Болғачилар» ўз ўйинчисини юқори баҳоламоқда ва уни сотишдан тахминан 116 миллион евро ишлаб олишни кўзламоқда. Ўтган мавсумда Фернандеш Лондон клуби сафида 42 та ўйинда майдонга тушиб, 5 та гол ва 5 та голли узатмага муаллифлик қилди.
Эслатиб ўтамиз, 2025/2026 йилги мавсум якунларига кўра, «Вест Хэм» Премьер-лигани тарк этди.