«ПСЖ» бош мураббийи Луис Энрикенинг қизи Сира Мартинес ўлим билан якунланган йўл-транспорт ҳодисасига учраган автомобиль ичида бўлган. Бу ҳақда Marca нашри Испаниянинг A Punt телеканалига таяниб хабар берди.
Ҳодиса 8 октябрь куни кечқурун Ла-Сафор ҳудудида содир бўлган. Мотоцикл ва Сира Мартинес бўлган енгил автомобиль тўқнашган. Машинани эса бошқа бир эркак бошқарган.
Ҳодиса жойига етиб келган тиббиёт ходимлари мотоцикл ҳайдовчисига ёрдам бера олмаган — у улар етиб келишидан олдин вафот этган. Айни пайтда ҳуқуқни муҳофаза қилувчи органлар ЙТҲ сабабларини аниқламоқда.
Автомобиль ҳайдовчиси алкогол ва гиёҳванд моддалар истеъмол қилган-қилмаганини аниқлаш учун текширувдан ўтказилган. Натижалар манфий чиққан. Сира Мартинес эса жароҳат олмаган.
Ҳодисанинг барча тафсилотлари аниқлангунига қадар автомобиль ҳайдовчиси иш бўйича гумонланувчи мақомида қолмоқда.
MrBeast: “Ўзбекистонда мухлисларим шу қадар кўпки, балки кетишимизга тўғри келар”
Нега айнан Эркинжон Турдимов? Бу қарор ортида қандай омиллар турибди?
Германия Россия билан дизель ёқилғиси етказиб бериш бўйича келишув тузишни таклиф қилди
