Аввалроқ, Ўзбекистон президентининг тадбиркорлар билан очиқ мулоқоти август ойининг бошида бўлиб ўтиши ва шу сабаб таклифлар 31 июлгача қабул қилиниши айтилганди.
Давлат раҳбарининг матбуот котиби Шерзод Асадов 2 августдаги брифингда Шавкат Мирзиёев ва тадбиркорлар учрашуви нима сабабдан кейинроққа қолдирилганига изоҳ берди (https://www.gazeta.uz/uz/2021/08/02/meeting/).
«Мурожаатларнинг динамикасидан келиб чиққан ҳолда штаб мурожаатларни қабул қилиш муддатини яна бир неча кунга узайтирмоқда. Кеча олган маълумотларимизга кўра, бу муддат 5 августгача чўзилаяпти», — деди Асадов.
Унинг сўзларига кўра, ҳозирга қадар 10 мингга яқин мурожаатлар келиб тушган, шундан 85−86 фоизи шахсий мурожаатлар, 14−15 фоизи эса янги ғоялар ва ташаббуслардан иборат.
30 июль куни бош вазир ўринбосари, инвестициялар ва ташқи савдо вазири Сардор Умурзоқов бўлажак учрашувда тадбиркорларнинг қайси қатлами иштирок этишини маълум қилган (https://www.gazeta.uz/uz/2021/08/02/meeting/).