Инсайдер Фабрицио Романо тажрибали мураббий Жорже Жезуш Португалия терма жамоасига бош мураббий этиб тайинланишини хабар қилди. У ушбу лавозимда уч йил ишлаган Роберто Мартинеснинг ўрнини эгаллайди.
Таъкидланишича, Жезуш 2030 йилги Жаҳон чемпионати якунига қадар мўлжалланган шартномани имзолайди.
Жезуш 71 ёшда бўлиб, у ўзининг мураббийлик фаолиятини 1989 йилда бошлаган. У "Бенфика", "Спортинг", "Фенербахче" ва "Ал-Ҳилол" жамоалари билан ишлаган, ўтган мавсумда эса "Ан-Наср" бошқарувида Саудия Арабистони чемпиони бўлди.
Португалия терма жамоаси Мартинес қўл остида 2026 йилги Жаҳон чемпионатида ўз гуруҳида биринчи ўринни эгаллай олмади, мусобақанинг 1/8 финал босқичида эса Испания терма жамоасига имкониятни бой бериб, турнир билан хайрлашди.
АҚШ Испания футбол терма жамоасидан салкам 13 млн доллар солиқ талаб қилди
Қирғизистон терма жамоаси сардори Ўзбекистон футболининг асосий сирини айтди
ЖЧ-2026 ўйинлари келишилган бўлиши мумкин
