Бу ҳақда президент Карол Навроцкий Polsat News телеканалига берган интервьюсида маълум қилди. Консерватив сиёсатчи Полшанинг “ядровий лойиҳа”га қўшилишини қатъий қўллаб-қувватлашини билдирди.
"Бу йўналишда ҳаракат қилишимиз зарур, шунда биз ишни бошлаш имконига эга бўламиз. Биз қуролли можаро ҳудудига чегарадош давлатмиз. Россиянинг тажовузкор, империяга хос муносабати Полшага нисбатан қандай экани эса барчага маълум", — дея ўз фикрини асослаб берди Навроцкий.
Шу билан бирга, Полша президенти Варшава “ядровий лойиҳа”га қачон қўшилиши ҳақида аниқ маълумотга эга эмаслигини таъкидлади.
Москванинг Полша ядровий дастурига эҳтимолий реакцияси ҳақидаги саволга президент: "Россия ҳар қандай масалага тажовузкор жавоб бериши мумкин", — деб жавоб берди.
Навроцкий Полша ўз ядро қуролини ишлаб чиқишни бошлашни ёки мамлакатда хорижий ядро қуролини жойлаштиришни назарда тутаётганига аниқлик киритмади.
2022 йил феврал ойида Россиянинг Украинага босқини бошланганидан сўнг, Полшанинг аввалги президенти Анжей Дуда АҚШнинг ўша пайтдаги президенти Жо Байденга Америка ядро қуролини Полшага жойлаштириш илтимоси билан мурожаат қилган эди.
Имомали Раҳмон вафот этди(ми)?
Ер юзидаги совуқлик рекорди қайд этилди
Олим Ер аҳолисини «жаҳаннам иқлими»дан огоҳлантирди
