Эроннинг марҳум Олий Раҳбари Али Хоманай Қўшма Штатлар билан музокараларга қарши эмас эди.
Бу ҳақда Эрон президенти Масуд Пезешкиан маълум қилди.
"12 кунлик уруш пайтида мен марҳум раҳбар билан бирга хизмат қилдим ва у музокаралар қандай олиб борилиши кераклиги ҳақида гапирди", деди Пезешкиан.
Унинг сўзларига кўра, Али Хоманай Қўшма Штатлар билан музокаралар зарурлигини таъкидлади: "Бироқ, ҳозир баъзилар музокаралар кераксиз деган фикрни тарғиб қилмоқдалар".
28 февраль куни Қўшма Штатлар ва Исроил Эронга қарши ҳарбий операция бошладилар ва бир нечта шаҳарларга ҳаво ҳужумларини уюштирдилар. Ўша куни Эроннинг Олий Раҳбари Али Хоманай ҳужумларда ҳалок бўлди. Қасос сифатида Эрон Исроил ҳудудига ва Форс кўрфазидаги Америка ҳарбий базаларига ҳужум қилди.
8 апрель кечаси Эрон, Қўшма Штатлар ва уларнинг иттифоқчилари сулҳ битимига эришдилар. Кейинчалик Трамп сулҳни номаълум муддатга узайтирди.
Можарони ҳал қилиш учун икки томон Покистонда музокаралар ўтказди, аммо 11-12 апрел кунлари бўлиб ўтган биринчи босқич ҳеч қандай натижа бермади.
Теҳронга босим ўтказиш учун АҚШ Эрон портларини ва Ҳормуз бўғози орқали ўтишни тўсиб қўйди. Ўз навбатида Эрон Форс кўрфазига қатновчи кемалар учун Ҳормуз бўғозини ёпилишини эълон қилди. Минтақадаги тез ўзгариб бораётган вазият глобал энергетика инқирозига олиб келди.
Мактабларда «Сўнгги қўнғироқ» тадбирлари қачон ўтказилиши маълум бўлди
Эрон 57 та мусулмон давлатидан иборат “Ислом NATOси” ни тузишга чақирди
Президентнинг янги қарори қабул қилинди
