Перу АҚШ бошчилигидаги "Америка қалқони" альянсига қўшилди

Перу трансмиллий ва минтақавий таҳдидларга қарши биргаликда ҳимоя қилиш учун АҚШ бошчилигидаги "Америка қалқони" альянсига қўшилди.

АҚШ Давлат котиби Марко Рубио бу ҳақда El Comercio газетасида Жанубий Америка мамлакатларига қилган сафари билан бир вақтда чоп этилган мақоласида эълон қилди.

"Перуга келсак, биз Кейко Фухиморининг янги ҳукумати билан биргаликда 200 йиллик тарихимизни келажакка олиб чиқиш учун ишлашга катта оптимизм билан қараймиз. Биз ҳозирда НАТОга аъзо бўлмаган муҳим иттифоқчи бўлган Перуни "Америка қалқони"га қабул қилиш орқали ярим шаримизни трансмиллий ва минтақавий таҳдидлардан ҳимоя қилиш бўйича саъй-ҳаракатларимизни синхронлаштирмоқдамиз", деб ёзган Рубио.

Минтақада Хитой билан ҳамкорликнинг ўсиб бораётган бир пайтда, у мамлакатларни АҚШ билан ҳамкорликка устувор аҳамият беришга чақирди: "Минтақамиздаги ҳар бир мамлакат ўз шерикларини танлашда суверен ҳуқуққа эга." Биз фақат бу танлов мутлақ шаффофлик шароитида, барча шартлари жамоатчилик учун очиқ бўлган ҳолда амалга оширилишини сўраймиз."

Шуни таъкидлаш керакки, "Америка қалқони" гиёҳванд моддалар картелларига қарши курашадиган ва қўшма ҳарбий операциялар ўтказадиган Қўшма Штатлар ва бир нечта Лотин Америкаси мамлакатлари ўртасидаги иттифоқдир.